Cristian Pertuzué Fariña Ingeniero Comercial gey fey ti Universidad de Valparaiso ka femgechi Mágister niey Ciencia Politica zugu mew, Pontificia Universidad Católica de Chile mew, fey ta zoy inatuzuguy Instituciones y Procesos Politicos chi zugu mew. Ka femgechi ta chillkatuy kiñe Diplomado fey ta Alta Direccion chi Escuela de Gobierno Universidad Adolfo Ibañez chillkatuwe mew kafey chillkatuy ta Educación para la Democracia y Responsabilidad social fey ti Instituto Internacional Histadrut chi chilkatuwe Israel tuwlu.
Niey kafey alün zugu kimün kimelfe mew fillke chillkatuwe ruka mew, fey mew zoy pegelgey ta txokiñ zugu Ciencia Politica ka administración (azelüwun) publica, chew ñi wenunturkey ta pegeluwun zugu ka inkayüwun zugu fey ti mogel che zugu mew, küzawkelu ta sociales, políticos ka económicos chi zugu.
Kishu ñi küzawun mew ñi kimün mew fey ta nentuyerkey ta küzaw fillke txokiñ kuzaw mew Estado mew ka femgechi kake txokiñ mew ka küzawkey, ñizolkülerkefuy ta Gobierno Regional Metropolitano de Santiago chi txokiñ, inatuzufe ti Ministerio Secretaria General de la Presidencia mew, ñizol fey chew ñi azelkünuwgekelu ta chillkatun zugu fey ti Universidad Iberoamericana chi chillkatuwe mew, ka femgechi ñizolkülerkefuy fey ti Instituto de Estudios y Gestión Pública fey ti Facultad de Ciencias Políticas y Administración Pública chi Universidad Central chi chillkatuwe mew. Ka femgechi fentxen kellun ta nentukey, fey tachi txokiñ mapu pigechi Chile ka femgechi kake txokiñ mapu mew. Fanten mew fey ta küzawküzawmekey ti Centro de Informaciones de Recursos Naturales chi txokiñ mew.
Fey gülamtufe ti INDH gey, üytügerkey ti Cámara de diputados mew fey ta epu konchi julio chi küyen epu waranka mari aylla txipantu mew ka ñi puwal ta epu konchi julio chi küyen mew fey ti epu waranka epu mari kechu txipantu amulechi.
