no image added yet.

Fabiola Letelier del Solar

Fabiola Letelier Del Solar  llegüy Temuko mapu, mari regle antü julio küyen mew kiñe waranka aylla pataka epu mari aylla txipantü mew, ragiñ yall gerkey , pichi zomogelu günezuamfi  pu  fillalechi che mülelu ñi mapu mew chew ñi llegün, fey mew inatuy fey ta chi zugu txemlu fey mew chillkatuy Derecho zugu chillkatuwe mew Universidad de Chile pigelu chew wechurpuy kiñe waranka aylla pataka kayu mari küla  fey ti chi txipantü .

Fey mew koneltuwi fey ta chi kelluntukun che ñi azmogen mew , fey mew kiñe waranka ailla pataka regle mari meli txipantü mew  koneltuy epu txipantü  llowkelu zugu fey chi delegación chilena a la Conferencia de Naciones Unidas sobre Comercio y Desarrollo en el Tercer mundo pigechi txokinche mew. Ka fey chi txipantü mew  ka koneltuwi ka kayu abogado egu ñi yenieael kiñe equipo jurídico fey ti txoy Comité Pro Paz pigelu, inagechi Fabiola yenierpuy fey ti chi küzaw Vicaría de la solidaridad pigechi txokinche mew fey wechuy kiñe waranka aylla pataka pura mari txipantü mew.

We konkülechi txipantu pura mari  koneltuy fey chi txokinche Comité de Defensa de los Derechos del Pueblo (CODEPU) pigelu chew wünenkülekey  fey wechuy kiñe waranka aylla pataka aylla mari pura txipantü.

Ka kiñe waranka aylla pataka pura mari txipantü mew zulligey reke fey ti txokinche  mew Asociación Latín Americana de Derechos Humanos pigelu.

Ka femechi fey mew konletuwi  fey ti txokinche  Asociación  Americana de Jurista pigelu.

Kizu ñi zugu  mew nentuy fey ti Corte Penal Internacional pigelu ka kellufi ti Juez español, Baltazar Garzón pigelu Augusto  Pinochet ñi zuam mew.

Fey chi zugu mew wenuntuniekenmew che ñi az mogen  fey ti Consejo  Instituto Nacional de Derechos Humano pigelu elufi kiñe poyen zugu  Premio Nacional de derechos Humanos pigey fey elugey Fabiola Letelier