no image added yet.

Roberto Garretón Merino

Llegüy Santiago pigechi füta waria, epumari konchi diciembre winka küyen kiñewaranka aylla pataka ka meli mari kiñe winka txipantü mew. chillkatuy  fey inkayewün ta che,Derecho pigey winka zugu mew fey ti chillkatuwe Universidad de Chile pigelu, fey  wechurpuy kiñe waranka aylla pataka regle mari küla, fey koneltupuy kiñe txokin che mew  Pro paz pigelu kelluntukuael fey ti pu che inayalgelu fey ti pu koneltulelu füta ke malon mew. Ka femechi konletuy fey ti txrokinche Vicaria de la solidaridad pigelu chew kelluntukupuy chem ñi pepiluwün mew. Fey mew yenierpuy zugu chew am kellugekey ta che  fey chi ke txipantu mülelu régimen pigechi rupawman zugu,  fey ta mew azelkay  ñi wezalkagenuam ta che fey ti ci pu che   ñamlu ka fey ti güfküntukugelu dictadura mew.

Ka koneltuy wirintugechi chillka  amukelu ka mapu ka txokinche me, fey ti Organización de  Naciones Unidas pigelu, chew am wirintukuy  ñi chumekegen ta che ka ñi wezalkamekegen ta che.

Koneltulu fey ta chi zugu mew fey feypigerkey ñi “zuguyemeken ti pu fuerzas armadas”, ka üytugerkey ka “reo”pigerkey, fey mew llowüy weza je zugu kizu ka ñi reñma , ka feypigekerkefüy ñi kelluwenuael ta pu che wezalkamekegelu.

Ka fawpüle pigey nien mew kimün ka pepiluwlu kam fey ti chi zugu “mesa de diálogo ” pigelu. Chew am txipay agosto konchi küyen waranka aylla pataka aylla mari aylla txipantü mew Eduardo Frei Ruiz-Tagle ñi ñízolkülerkelu (gobierno) mew, fey ta mew ñi kintugetuael fey ti pu che ñamlu fey ti chi dictadura cívico militar pigechi rupawmen zugu. Garreton ka femechi nentuzuguy  fey ti pu txokinche  ka  mapu mülelu, “Relator especial de las Naciones Unidas, fey ta mew koneltupuy fillke zugu, ka koneltuy ñi wiñotuael fey ta  Augusto Pinochet pigechi wentxu.

Epu waranka mari txipantü ka epu waranka mari kayu koneltuy  llituchi Consejo Directivo INDH mew. Ka epu waranka epu mari  txipantu mew fey ta chi pu pepiluwlu chi pu txokinche , fey üytügey  ñi azümüwün fey ta chi zugu mew chew am azelkagey ñi wezalkagenuam ta che, fey mew  elugey mari meli antü konchi Agosto konchi küyen epu waranka epu mari txipantü mew Premio Nacional de derechos Humanos pigechi zugu, fey ta txipay kiñe virtual zugu mew miawel fey ta chi weza kutxan.

Tüfa chi zugu mew Roberto Garreton feypi ñi rupawmen fey ta chi dictadura cívico militar mew “ inche  yeniekefün ñi epiluwün (inkayüwün ), welu fey tachi zugu kenüntukuy ñi mogen ka ñi pepiuluwün mew fey me winche azelkafin fey ta chi che ñi az mogen, fey me winche azelkafin ñi chumeken inche ñi mogen mew  chumgechi feypi kiñe Español kimche: Fey ta chi azelkagen che ñi mogen müley ñi azal ta mogen, femnule tushpu kümelay. Ka femgechi wiñozuami wezalkagen ta che rupalu fey ta chi mari pura antü konchi octubre küyen epu waranka aylla mari tripantü ka ñi zuamniegen ñi wenuntugeal rüfke zugu ka nor ke zugu fey ta chi pu che wezalkagelu.