Abogado gey txipay fey ta chi chillkatuwe Universidad de Concepción pígelu ka zoy amuy ñi chillkatun fey nentuy ñi Magister Ciencias Políticas Pontificia Universidad Católica de Chile mew. Ka niey chillkatun Filosófía zugu mew Universidad de Chile chillkatuwe mew. Fantepu yeniey ñi kimeltun fey ta chi txokin mew Instituto de Asuntos Públicos pigelu ka fey ti chi txoytun chillkatun Economía ka Negocios pigelu Universidad de Chile chillkatuwe mew.
Wüneltu mew kimeltukefüy ka mapu küpachi chilkatuwe fey ta chi Pontificia Universidad Católica de Chile pigechi chillkatuwe mew, ka fey ti chi Universidad Talca pigelu ka fey ti Universidad Alberto Hurtado pigelu. Ka wünenkülekefüy pu chillkatufe ñi txawüluwün mew Universidad de Concepción mew kiñe waranka aylla pataka mari pura kechu txipantü ka kiñe waranka aylla pataka mari aylla txipantü mew. Ka koneltulekefüy fey ta chi Asamblea de la Civilidad pigechi txoy (kiñe waranka aylla pataka mari pura kayu txipantü mew).
Nentuy müfü wirin chillka nüwkülelu fey ta chi rupawme wezalkawün zugu ka ñi we ñi azkünüwün Chile mapu. Ka koneltuley fey ta chi consejo fey ta chi txokinche azelkakelu che ñi az mogen fey mew zullieerkeyu kom ti pu decano-ka decana nielu pu facultad de derecho pigey kom fey ti pu chillkatuwe ruka mew nüwkülelu ka fey ti chi pu chillkatuwe ruka kizuyenielu ñi zuguegün epu waranka mari meli txipantu mew ka wechurpuy epu waranka mari aylla txipatü mew ka üytügey ñi koneltueal fey ta chi zugu mew kayu txipantü mew, fey wechurpual epu waranka epu mari kechu mew. Fey mew epe kom che wünenkülelu feyta chi txokin che mew üytueyu.
