Llegüy Santiago Waria kiñe waranka aylla pataka kechu mari txipantü mew, nielu mari aylla txipantü konüy chillkatual kimeltuael Aleman zugu Universidad de Chile Chillkatuwe mew wechurpuy kiñe waranka aylla pataka regle mari küla.
Rupachi küla txipantü weza zugu mew rupay ñi chaw nügey ka ñami, fey yeniekefüy zugu CUT mew ka wünenkülekefüy Partido Comunista mew, Victor Manuel Díaz López pigefüyem.
Fey ta chi zugu elueyu rüpü Viviana, fey mew inayeniey fey ta chi zugu ñi kimgeam rüf zugu ñi rupan ka ñi kellunieael che ñi az mogen. Fey mew koneltuwi fey ta chi zugu regle mari ka pura mari década pigechi txoy, fey ta mew txipakey pu che rupalelu awükan mew fey ñi pu reñmawen (AFDD pigelu) ta küzawi ñi kimgeael chew ñi mülenegün , fey mew koneltuleyegün Comité ProPaz ka fey ti chi Vicaría de la solidaridad pigechi txokin che mew. Viviana txawüy pu zomo rupalu fey ti zugu kishu ñi rupan ñi chaw iñ zuam fey mew koneltuy ka nentuy zugun ñi kimgeam rüf zugu.
Inagechi rupalu fey ta chi rupawmen wezalkan mogen
Viviana Díaz kelluntulerpuy fey ta chi AFDD, ñi rüf kimgeam chumechi am ñami ñi chaw, inagechi ñi lan ti Sola Sierra kiñe waranka aylla pataka aylla mari aylla txipantü mew, kizu yenierpuy fey ta chi txawün che ñamümlu ñi pu che fey ta chi zugu wechurpuy epu waranka küla chi txiapantu.
Fey ta epu waranka mari küla txipantü mew Viviana Díaz llowüy INDH tripachi Premio Nacional de Derechos Humano pigechi zugu, ka femgechi feyta chi txipantü mew koneltuley ti Consejo Consultivo INDH mew.
