Ti gülamtuwe INDH, ta norümkey ta zoy küme yempüramkünuafiel ta zugu. Fey tac hi gülamtuwepeyüm rekülewküley mari kiñe che mew, fey ta pu che alün kimün niey egün, fentxen kimün wulkey egün fey ta mogel che mew, fey mew fey kayu txipantu mew ta üytügekey egün ñi küzawal. Pu gülamtufe ñizol pigechi che zulligekey egün kiñe che ta zoy wüneleal, lonko ñizol pigekey, fey ta chi che, wünelekey, norümnorümmekekey kom chi zugu küme rüpütuleal chi txokinche mew.
Kom küme azümkünuafiel fey ta zugu mew gülamtuwe chi pu ñizol, ti pu che konkülelu tüfa mew femechi üytugekey:
- Epu gülamtufe üytükefilu ti fütxa ñizol, müleyegu ñi nieal filke tuwün.
- Epu gülamtufe üytükefi pu weupife.
- Epu gülamtufe üytügegerkey Cámara de Diputados txokiñ mew.
- Kiñe gülamtufe üytügekey pu ñizolkülechi che pu chilkatuwe ruka konlelu Consejo de Rectores ka pu kishugünewun chillkatuwe ruka.
- Meli gülamtufe üytügekerkey ta chumgechi mülerkel ta norümüwün ti zugu, fey ta pu txokinche nügküelu ta inkawun ka pegeluwun zugu mogel che mew nielu ta P.J fey egün, wirinkülelu ti chillka mew yeniealu ti txokin mew.
Kishu norümüwün küzaw mew
Küme nentuafiel ta küzaw mew fey ta pu gülamtuwe txokiñ mew, ayifule ñi nieal ta kishu ñi pu küzawfe, femaafuy, fey egün wenuntuay egün kam inatuzuguay egün kiñe zugu fey tachi txokiñ mew elgele müten. Fill püchike txokiñ che fey ta nieay kiñe wünel che txipayalu ta gülamtuwe txokiñ mew, fey mew fey magelgeafuy ta ka ke che rume kimniele ta chi zugu, küme kimnieyelu ta chumgechi fel ta yempüamtufiel zugu.
